Chronique Extrême #3 Mechina.

Mechina

هي واحد الباند من الولايات المتحدة الأمريكية، تأسست ف 2004 ف باتافيا شيكاغو إيلونوي عن طريق "جو تيبيري" غيطاريست و بروغرامر، و   "ديفيد هولش" فوكاليست، من بعد ايتزادو باسيست، درامر و أيتبدلو مع الوقت لكن كيبقاو "جو و دافيد" ديما فالاين اب الأساسي، كتبقا أجمل إضافة بالنسبة ليا هي "ميل روز" واحد الصوت نسائي ملائكي جميل نيييت ..هاد الباند معندهمش لابل ، يعني كينتجو موسيقتهم لراسهم ، و مكيديروش تورز أي كونصرتس للألبومات ديالهم فبلايص أخرى لأن كيف قلنا مكينش لابل لي يسوبورتيهم . كونو القاعدة الجماهيرية ديالهم فقط بإتاحة الموسيقى ديالهم أون لاين 

  :النوع الموسيقي

-Symphonic/Industrial/Atmospheric/Death Metal

هادشي كامل داروه بطريقتهم الخاصة ، و ركزو شويا على الإلكترونيك فبناء الموسيقى ديالهم و نجحو في ذلك وعطاونا ستيل فريد من نوعو ، لي كيخلي المستمع مبهور بجمالية و تنوع العناصر الموسيقية فاللألبومات ديالهم و حتى مدى روعة و خطورة التقصار اللي تيديرو ، وحتى المواضيع اللي كيتطرقو ليها بحال الخيال العلمي ، و إعطاء شخصيات فكل قصة ، مما تيخلي الألبومات  ، كيما تقال عليهم فواحد الريفيو البوم تصوري علمي، ميكينا عرفو كيفاش يناسقو بين جمالية الكلين فوكالز سواء الرجالية أو النسائية و الأصوات السمفونية مع صوت الغيطارة الخشن و الغراولز فوكالز .

عندهم حاليا مجموعة من الألبومات ولكن جوج ألبومز عزاز عليا بزاف حاليا و هوما لي نقدر نقترح  ليكم طبعا لي بغا يسمعهم كاين:

- As Embers Turn To Dust (2017)

- Progenitor (2016)
By: Abderrahmane Chabrane

فهاد جوج ألبومات قربو بزاف من الخاطر ديالي و الرغبة ديالي الموسيقية و شخصيا من نهار خرج فبدايات هاد السنة وأنا كنعاود فيه بدون كلل أو ملل  وأنا كنعاود فيه