Made In Arabia #1 مسار إجباري

مسار إجباري ، هي واحد الفرقة مصرية بالظبط من مدينة الإسكندرية (اللي نقدر نقول عليها عاصمة الروك و الميطال فالوطن 

العربي لحقاش عطاتنا بزاف الفنانين فهاد المجال ) ، أول مرة كنعرف الفرقة كانت فواحد الفيلم مصري زوين دار على قبل الناس د الأندرغراوند ميوزيك فديك المدينة سميتو ميكروفون(ننصحكم تتفرجو فيه لابغيتو تاخدو فكرة على كيفاش كيخدمو الفراقي فالوطن العربي) .

لمهم مسار إجباري تكونات ف 2005 عن طريق :

هاني الدقاق : مغني و كيطاريست

أيمن مسعود : كيبورد

أيمن حافظ : باس

تامر عطالله : الدرامز 

ف 2006 ايلتحق شادي العزيم لي كيقصر أكوستيك ، إلكتريك و كيغني باكينغ فوكال

و ف 2008 أيلتحق بيهم الغيطاريست محمود صيام .

لإسم "مسار إجباري" كيف ما كيقولو جا كسخرية على حال البلد و داك الظغط اللي كيتمارس على الناس وكيخليهم ميفكروش يبدعو فشي فن واللي كيبقا الهم الوحيد ديالهم هو يعيشو تالغدا ...

الباند كتميكسي مابين روك و بعض المرات الجاز وبين الأوريونتال ديالنا ،هادشي كامل بالستيل ديالهم .

أنا بعدا كيجيوني النسخة المصرية من هوبا هوبا سبيريت ديالنا ههه

التراكات ديالهم كيتكلمو فالحال دالوطن و المشاكل الإجتماعة و الفقر و حتا الحب بعض المرات، 

خداو عدة جوائز ، ماشي موضوعنا ، لمهم أنهم فرقة جديرة الواحد يتمزك ليها ، 

منطولش عليكم ونخليكم مع شي تراكات اللي كيعجبوني شخصيا و نتمنى يعجبوكوم .

-Matkhafch

-Hawy

-Haga

-Iqra lkhabar

-marsoul li habebty

-Zayek ana

By:Abderahmane Chabrane